| http-equiv="Content-Type" content="text/html; charset=utf-8"> name="ProgId" content="Word.Document"> name="Generator" content="Microsoft Word 11"> name="Originator" content="Microsoft Word 11"> 又如常番lab. 由鰂魚涌訓到番醫學院. 好似家姐話齋, 對脚只係自動咁行.完全無思想咁番去.好難想像其实前两日先至身處大風雪之中.新闻仲要写係”寒流襲台.登山客失踪” 趁衣家個腦仲回味紧台湾,快D写低先. 但係写/講出黎都唔會比到人自己個時所见所闻所想.真係表達唔到 ~ 仲有…今次批相唔多满意呢,仲有部機上到顶太凍開唔到,激死. Day 1 高雄: 比较落后既地方. 楼房都好矮. 海派甜心影個個摩天輪既实物原来好细.驚讶. 可能亦都無乜特别野睇.带左我地去睇艺术展.将D货櫃变左好靓既野.個刻對高雄加左分.之后又睇博物馆. 眾人 0 兴趣.之后放我地响差不多係銅鑼湾既位自由活動. 本來极大期望既台妹大失所望. 好唔得. 晚间行夜市.搭捷運. 咁先係去旅行架嘛. 晚间下塌于某青年中心.门口對住湖景. 讚 ~ Day 2 去國立XX大學. 成個山頭都係佢既. 0 個大學 feel, 睇個度開既收容中心.動物园般.講吓佢地幾惨幾惨. Day 3 续往XX大學. 今次要帮手砌個比熊食野既兜.之后的左我地入去個籠里面帮手布置個籠.第一次响里面望番出黎.同埋隔离隻熊只在一网之隔.超近距离. 晚间買野食上山. Day 4 成日都係搭車去山頭.越坐越大雨. 原來向住雨带里面行(未知係寒流)之后行左少少山咁. 非常潮湿. 有D朱羅纪公園feel. 風景正. 宿于七卡山莊.鐵皮屋一间.比想像中好. 事件: 一女生因缺水不適.嘔吐.眾人围住佢勁照顾. 好大陣象. 好佩服佢地咁比心機.比我就咁叫佢訓就算.但係屈左佢饮海带味宝礦力.可以話係满清第十一大酷刑. Day 5 0800 起行. 到2pm先到目的地. 一路上,由落雨到落雪,再到成地雪, 四周蒙查查.如国畫般.有少少高山反應.頭疼.龜速咁行. 2pm以为有得抖,點知又 “Bryan 你去跟教练打水”…顶… 露三次营就打足三次水. 跟台湾教练入 “黑森林”打水. 因祸得福. 本來條路被雪遮盖,要自己開路.就睇住教练用冰斧逐步咁敲.最尾都係迷左路.兜左成個中冤枉路. 但沿途见到好多脚印.教练解释係D山羊山鹿. 好兴奮. 最后到水源.但已冰封.只能拿石壁流出黎既水. 只见教练拎左個膠袋仔咁就可以接住D水. 好似屙尿咁滴落個水壶度. 冻到手都硬. 6pm 终于行番番369山莊.無端端行多左四個中. 但原來另外D男仔要帮個唔舒服既女生拎背包上山.嗯…算你啦. Day 6 0500 起身. 0600起行, 要登顶.雪不停落. 穿過黑森林到山腰既斜坡.途中有個位D雪超厚.感觉好似响D树上行咁. 爽. 1200 勁大風勁大雪.积雪高至膝頭.已经無乜感覺.望住前面個pat pat 同埋地下D脚印行. 零意欲登顶.唔想再行.之后超勁超勁大風. 真係吹得郁個人.越黎越恶劣.好似拍紧纪录片咁.连前面D人都比風雪遮住.蒙查查咁.突然间再大風.教练大叫 “全部趴低!!” 個刻有D feel ~ 哈哈. 之后宣布放弃登顶.即刻成個人鬆o西, 全速跑番落山.仲可以成個人訓低咁 sur 落去. 個度唔滑雪嘥o西 下午小休后用两個中就落番去前日用六個中先行到上黎個位. 超爽. Day 7 天空放晴.如果今日先登顶就一定上到啦…但係…如果咁樣比我上到去我寧愿好似琴日大風雪上唔到呢 ~型D嘛,一定深刻D添… 半小時就落番山脚.完结登山之旅. 搭番成日車.今次去台南. 原來係台湾教练既屋企. 夜晚决定唔跟香港人.跟左台湾教练+大陸同學同行.感覺好local. 食好野. 卤大肠.野菜茶.鳝鱼面 etc etc 聽教练講古仔, 原來佢係hardcore 搞行山既人.仲帮D原居民起農场.同佢地一齊打獵. 超勁. Day8 再次唔跟香港人.跟住台湾教练.今次去市集既野. 全程煲冬瓜.正~ 番黎见到香港人一袋二袋戰利品. 原來去左…..7仔掃货…=.= x10000000, 真嘥野. 不過7仔响台湾做得好大. 反而仲勁過麥當勞. 1500 搭一個鐘機就番香港. 城市依舊.人流如鯽.個世界無左你唔會停既 ~ 今次旅行里面有好多反思既環節.個個都話點點挑戰自己.咩成功感. 我好誠实咁話其实我係黎旅行既.無乜得着.登唔到顶不知幾開心. 之后比人插左一陣. >.< 比人comment 我极度慢熱, 粒聲唔出. 但比度份安全感佢. 暗爽中 ~ | 